新聞稿

開餐廳，每日最大嘅煩惱之一就係：「聽日啲菜點算？」
尤其係新手老闆，以為揀個批發商交低張單就搞掂，結果中晒伏先醒覺——蔬菜供應，其實係餐廳營運嘅「心臟命脈」。

進和集團跟超過本港500多間酒店, 連鎖餐廳, 院舍, 學校等合作，見過唔少新手老闆喺揀批發商嘅時候「撞板」。今日就同你拆解3個最容易中伏嘅位，等你唔使行冤枉路，慳返時間同金錢。

伏位一：以為「平就抵」，忽略咗「隱形成本」

好多新手老闆一開始就問：「邊間最平？」
結果揀咗間報價最低嘅批發商，點知落單之後先發現：

-送嚟嘅菜好多已經發黃、爛邊，要揀走大半先用得

-要自己叫車去提貨，運輸費仲貴過菜價

-不對辦，叫白菜仔送嚟變咗小棠菜，廚師鬧爆

重點：批發價錢只係冰山一角。真正嘅成本，要計埋：

✅ 出成率：10斤菜送到，實際用得嘅有幾多斤？

✅ 送貨成本：有冇包送？最低訂購量係幾多？

✅ 品質穩定性：每次嚟嘅貨質素一致嗎？

避坑貼士：

唔好淨係睇報價單。試單幾次，親身睇貨、計返「每斤可用成本」，先係真正嘅精明消費。

伏位二：以為「交到貨就得」，忽略咗「送貨穩定性」

餐廳營業時間分秒必爭。有冇試過：

-打風前叫貨，批發商一句「聽日送唔到」就收線？

-朝早等菜等到10點，廚房空轉冇得開工？

-叫5款菜，送到得3款，話「今日缺貨」冇得補？

真相係：批發商嘅送貨能力，直接影響你餐廳嘅營業額同聲譽。

同批發商合作前，問清楚：

✅ 送貨時間窗口係幾點？

✅ 有冇後備車隊？打風落雨點安排？

✅ 缺貨會唔會提前一日通知？有冇同類替代菜式建議？

伏位三：以為「長期合作就得」，忽略咗「品質追溯」

有啲老闆覺得：「用開就算啦，唔想轉。」但當問題出現嘅時候，先發現：

-菜嚟到爛晒，批發商話「自己唔檢查，冇得退」

-食環抽查到農殘超標，批發商話「唔關我事」

-客人食完屙嘔不適，你想追溯返批次紀錄，先發現乜都冇

關鍵問題：你嘅批發商，係「賣菜佬」定係「供應鏈夥伴」？

✅ 品質追溯：每批菜來自邊個農場？有冇檢測報告？

✅ 退貨機制：爛貨、錯貨點處理？幾耐可以換？

✅ 食品安全責任：有冇做農殘檢測？有冇認證？

搵個可靠批發商，唔係淨係「買菜」，係買「安心」

進和集團專營蔬菜批發, 加工及配送服務超過20，由街坊小店到連鎖集團都揀我哋。因為我哋知道...

✅你唔只係要菜，係要穩定、安全、慳時間

✅你唔只係想平，係想計得掂條數，唔使煩

歡迎whatsapp/電郵聯絡查詢，等你親身感受咩叫「真正嘅批發夥伴」。